Бүгін мектебімізде жас мамандар апталығы қарсаңында үйде оқыту бойынша 6 сынып оқушысы Кудряшова Анастасиямен қазақ тілі мен әдебиеті пәні мұғалімі, жас маман Куанышева Ансаган Максутовна «Абай – лирик ақын» тақырыбында ашық сабақ өткізді.
Сабақтың мақсаты: мәтіннің, өлеңнің негізгі мазмұнын түсіну, негізгі және қосымша ақпаратты анықтау. Тура және ауыспалы мағынадағы сөздерді қолдану, ойын әсерлі, мазмұнды жеткізу.
Сабақ барысында ең алдымен оқушы мен мұғалім арасында «Жақсы сөз – жарым ырыс» атты психологиялық ахуал жасалды. Кейін үй тапсырмасына берілген жаңа сөздерді тапсырды. Ары қарай оқушыға сұрақтар қою арқылы оқушы сабақ тақырыбын өзі анықтады. Сабақ тақырыбы анықталған соң өткен тілдік бағдарларды ескере отырып, тапсырмалар орындалды. Ақынның өлеңін оқып, мағынасын түсінді.
