Қайырбек Оразов атындағы Аралағаш орта мектебінде 27 қазан 2022 жылы 5-8 сынып аралығында дәстүрлі емес форматта мектепішілік ата-аналар жиналысы өтті.

Мақсаты:

Әр отбасының бала тәрбиесіне белсене қатысуының маңызын арттыру. Баланың мейірімді сыпайы әдеттерді бойына сіңіріп өсу жолдарын ата-аналармен бірлесе қарастыру.

Мектептегі тәрбие жұмысының нәтижелігінің бір ұшы ата-аналармен, мектептің бірлескен әрекетінде екені еш уақытта күмән туғызбайды. Мектеп пен отбасының ынтымақтастығын жүзеге асыруда сынып жетекшісі негізгі рөл атқарады. Мұғалім мен ата-аналардың өзара қатынасы міндеттерінің ең негізгісі-психологиялық педагогикалық білімдерін көтеру болып табылады. Осы міндеттерді шешуде оқу бағдарламасын меңгертуде түрлі тиімді әдістер мен технологияларды пайдалана отырып, ата-аналар жиналысының дәстүрлі емес түрін өткіздік. Бұл дәстүрлі емес жиналыс ата-ана қызығушылығын арттырып, мектеппен ата-ана байланысын нығайтуға қосар үлесі зор.