9 қыркүйекте, Қазақстандық отбасы күнін мерекелеу қарсаңында бастауыш сынып оқушылары үшін "Отбасылық құндылықтар" атты іс-шара өткізілді. 4Б сынып оқушылары бұл мереке неге тойланатыны, отбасы адам өмірінде және қоғамда қандай рөл атқаратыны туралы айтып берді. Отбасындағы басты құндылықтар туралы бейнеролик көрсетілді. Сонымен қатар "Біздің тату отбасымыз" атты конкурс өткізілді. Оған қатысу үшін мектепте жұмыс істейтін отбасылар шақырылды. Олар бірнеше қызықты және танымдық тапсырмаларды орындады. Жарыс барысында қатысушылар өз отбасыларында бір-біріне көмектесу ,қамқорлық жасау, сенім білдіру дәстүрге айналғанын дәлелдеді. Іс-шара "Менің отбасым"әнін бірлесіп орындаумен аяқталды.
