Кітап дегеніміз – алдыңғы ұрпақтың артқы ұрпаққа қалдырған рухани өсиеті.

Кітап оқудан тыйылсақ, ой ойлаудан да тыйылар едік.

Ғабит Мүсірепов

Қ.Оразов атындағы Аралағаш орта мектебінде 14 ақпан әлемдік кітап сыйлау күнңне орай « Мектеп кітапханасына кітап сыйла» атты акция өткізілді.

Акция мақсаты – оқушылардың рухани байлығын дамытып, кітапхананың кітап қорын әдебиеттермен толықтыру және оқырман мен кітапхана арасын нығайту.

Бұл акция облыста жұмыс істейтін «Кітап оқитын мектеп» жобасы аясында жүзеге асырылуда.Еліміздің болашағын баянды қылып сақтаудың кілті рухани жаңғыруда. Бұл идеяны елдің ертеңі, қоғамның қозғаушы күші саналатын зиялы қауымда, жастар да қызу қуаттайды. Оқырмандардың өз бетінше оқуын дамыту, көркем әдебиетті насихаттау мақсатында, Қ.Оразов атындағы Аралағаш орта мектебінің кітапханасында жылма – жыл дәстүрлі түрде «Кітапханаға кітап сыйла» акциясын ұйымдастырып келеді. Акцияға мектеп мұғалімдері, оқушылар, ата-аналар қатыстырылды.

Аталған акция аясынлда кітапханаға көркем шығармалар, балаларға арналған кітаптар, ертегі мен жұмбақтар мектеп кітапхана қорына келіп түсті.

Біздердің оқырманымыздың артуына орай, біз әлі де сыйға беретін ерікті оқырмандарды күтеміз. Сыйға тарту игі іске жатады, кітапты сыйлаған адамдар олардың кітаптары өз оқырманын табады дегенге сеніммен қарайды. Себебі кітаптар мәңгі өмір сүреді.