«Қайырбек Оразов атындағы Аралағаш орта мектебі» КММ 2020 жылғы 10-тамыздан 25-қыркүйек аралығында «Қауіпсіз мектеп ортасы» республикалық акциясы аясында іс-шаралар өтті. Аталмыш акцияға мектеп ұжымы және мектеп оқушылар белсене ат салысты.
«Қауіпсіз мектеп ортасы» республикалық акциясын іске асыру бойынша жұмыс жоспары құрылып, жоспарға сай іс-шаралар өтуде.
Мектеп психологы бопсалау және басқа да қылмыстық фактілерді анықтау бойынша оқушылар арасында жасырын сауалнама өткізді.
«Мектеп ережесін сақтайық!» деген атаумен әр сыныпта сынып сағаттары өтті. Сынып жетекшілері мен ДТІЖО мектеп оқушыларын мектеп ережесімен таныстырып, сұхбат жүргізді.
Мектеп медбикесі «Тазалық – денсаулық кепілі» деген атаумен әр сыныпта бөлек-бөлек дәріс оқып, бүгінгі таңда әлем болып күресіп жатқан ауыр дерт Короновирустан сақтанып жүрудің ережелерімен егжей-тегжей таныстырды.
Алғашқы әскери және технологиялық дайындық пәнінің мұғалімі апаттық жағдайдан шығу бойынша эвакуация элементтерін таныстыру және төтенше қызметтер мен сенім телефондары көрсетілген ақпараттық стендін рәсімдеді. Аталмыш стендтегі ақпаратпен оқушыларды ара-қашықтықты сақтай отыра шағын топтарға таныстырып өтті.
Бастауыш сынып оқушылар да бұл акцияға белсене қатысып, «Қауіпсіз балалық шақ» атты сурет байқауына қатысты.
Жалпы «Қауіпсіз мектеп ортасы» республикалық акциясы аясында өткен іс-шаралар мектеп оқушыларын өз орталарында, мектепте өздерін еркін сезініп, сапалы білім алуларына көмектесетін бірден бір құрал.
Жаңалықты мекеменің сайтында қарау
