Кекушинкай каратэ бойынша І орынның жүлдегері

8 сынып оқушысы  Амантаева   Альмира

 «Ата – анамның қолдауы өте маңызды!»

Мектеп өмірінде топ жарып, түрлі жарыстардағы жеңістерімен ұстазының мерейін асқақтатын оқушылардың орны бөлек. Еңбегінің жемісін көрген ұстаз атаулы жұмысына жаңа жігер-күшпен кірісетін болар. Дәл осындай мектебінің мақтанышына айналып үлгерген, дарынымен дараланып, сайыста алдына жан салмайтын жас өрен – Смирнов №3 орта мектебінің  8 сынып оқушысы Альмира Амантаева 2-ші қарашада өткен кекушинкай каратэ бойынша         І орынның жүлдегері атанып, қала әкімінің кубогын иеленді. Осыған орай, Альмираның жеңіспен оралған қуанышты сәтімен бөлісу үшін сұхбат алуды жөн көрдік.

• Сәлем Альмира!
• Сәлеметсіз бе?
• Сені жеңісіңмен құттықтаймын!
• Рахмет!
• Альмира, осы қыздың нәзіктік қасиетіне тән емес, көбіне ер балаларға жақын спорт түріне қалай келдің?
• Мен бұл спорт түріне ертеден әуес едім. Барлық жасөспірімдер тәріздес кинофилімдерден көріп қызықтым. «Үйренсем екен», - деп армандадым.  Бір күні қазіргі уақытта маған бапкер  болып жүрген семпай  Ринат Райцынов Каратэ үйірмесіне оқушыларды жинап жүргені жайлы хабарландыру ілді. Соны көрген мен және менің сіңілім (айта кетсем,  сіңлім Мерей екеуіміз бір мектепте оқимыз)  «осы секцияға жазылсақ жақсы болар еді», -  деген ой туындады.  Сабақ аяқталысымен, лезде үйге барғаннан соң, сіңілім  ата–анамызға үйірме жайында айтып, өзінің қызығушылығы барын білдірді. Мен сәл кідіріп қалдым. Өйткені, жүрегімдегі қорқыныш  пен  күмән дұрыс шешімді қабылдауға бөгет жасады.  Бірақ, ата-анамның маған деген сенімі өзімнің өзіме деген сенімімнен басым болды. Олар маған: « Егер сен шын мәнінде осы спорт түрін ұнатсаң, жүрегіңмен қаласаң, онда алға! Біз әрдайым сенің шешіміңді қолдаймыз», - деді әке–шешем. Осы сөздерден кейін барлық күш-жігерім мен арманымды, мақсатымды қолыма алып, Мереймен бірге бірінші жаттығуға бардық. Бізге өте ұнағаны сонша «әрі қарай жалғастырамыз», -  деп шешім қабылдадық. Бірақ та, біраз уақыт өткен соң сіңілім каратэдан гөрі биге жақын екенін түсініп, бұл спорт түрін тастады. Мен болсам, белімдегі белбеуімнің түсін өзгеруін армандадым.
• Неліктен нақты осы спорт түрін таңдадың?
• Өйткені каратэда жауап қайтаруға, өз – өзіңді қорғауға  және мінез бен күшті қадағалауға үйретеді. Бұнда тәртіп пен мінез болу керек. Осы арқылы сен өзіңді тәртіпке үйретесің.  Маған жаттықтырушы тапсырмалар бергенде мейлінше дұрыс және нақты орындауға тырысамын.
• Каратэ саған несімен ерекше?
• Маған каратэ жаттығуларымен ерекше. Сонымен қатар, каратэ өз-өзіңді және ішкі жан-дүниеңді тәрбиелеу болып табылады.  
• Осы спорт түрінен еске алар қиын сәттер болды ма?
• Ең бірінші сайысым 1 жыл бұрын өтті  және  жеңіспен аяқталды.  Мен сол күні өте толқыдым.  Әр сайыстың алдында толқисың әрине, бірақ осы сайыстың аса ерекше есімде қалған толқыныс әсерлері болды. Өйткені ол ең беренші сайысым.  Бірде бір рет кілемге шығып, қарсыласпен айқаспаған. Менде өзіме деген өте көп сұрақтар болды. «Не қылам? Қалай болады? Не істеймін?»,  Қайжерінен қалай ұру керектігін білгеннің өзінде ақ «Қалай? Қай жерінен ұрамын?», - деген сұрақтар ой өзегімді мазалады. Бірақ қорқыныштар мен мән-мағынасы жоқ сұрақтар бекер болғанын, кілемге шығып айқас басталып кеткеннен кейін  түсіндім. Өйткені  ол жерде сен, қарсыласың және төреші болды. Әрман қарай не болатынына,  не жеңесің, не жеңілесің өз қолыңда. Ешкім саған көмек көрсете алмайды. Жаттықтырушы саған қол ұшын созбайды. Ол тек алыстан өз күш-жігерін беріп тұрады. Сен сол кісіге қарап жаттыққан сәттеріңді есіңе түсіре бастайсың. Ата-ана. Олар менің басты қарсыласым өзімнің жадымдағы қорқынышыммен күресуге көмектесетін, мені қолдайтын  өте маңызды жандар. Егерде олар мені қолдамаған кезде мен ұтылып қалар едім. Оларға деген алғысым өте шексіз. Міне, айқас басталып кетті.  Бірінші соққыдан кейін, екінші, үшінші соққылар. Сен айқасып, қарсыласа бастаған сәттен-ақ  жекпе-жектің  дәмін сезіп қол аяғың өзінен-өзі қозғала бастайды. Сені қорғайды, қарсыласқа шабуыл жасап соққылар береді.  Осылай мен сол күні өткен 3 жекпе-жекті қалай жеңгенімді сезбей қалдым.
• Алғаш жүлдеңді қашан және қай жерде алдың?
• Қалада. «Новое поколение» деген жарыста.
• Сенде қанша жүлделер мен кубоктарың бар?
• 5 медаль және 1 кубок.
• Осы спорт түрінде ең қиыны?
• Менде 3 орындар мен 2 орындар көп. Өйткені қарсыласымды зерттеп үлгермей, кейде өзіме тым қатты сеніп кетемін де қарсыласымның қандай мықты екеніне мән бермей қаламын. Сол арқылы біраз жеңіліп қалғанымда болды. Осындай сәттерден кейін күш-жігеріммен де, каратэден де көтерілуге қиын.
• Жаттығу мен сабағыңды қалай алып жүресің? Қиын емес  пе?
• Қиын болды. Мен 5-ке оқыдым ғой. Ал жаттығулар басталысымен менің сабағым төменге  түсіп кетті. Содан кейін қосымшалар бола бастады, мұғалімдер көмектесті. Тапсырмалар беріп, сабақтан кейін шақырды. Анам көмектесті. Осылай мен қайтадан оқу озаты болдым.
• Осы спорт түрінен тағы қандай жетістікке жеткің келеді?
• Қара белбеуге ие болғым келеді. Ол менің ең үлкен арманым, десем болады. Сол жетістікке жету үшін 13 жыл талмай жаттығуым керек.
• Сенде қандай разряд?
• Қызғылтсары белбеу. Осы желтоқсанда қызғылтсары-көк араласқан белбеуге тапсырамыз. Онда біз түрлі жаттығулар істейміз. «Ката» деген бар. Ол жаттығулар түрі. Жаттығулар көрсету арқылы жыл бойғы үйренгеніңді ортаға паш етесің. Сурет салып жүрген тәріздес.
• Болашақта жаттықтырушы болғың келеді ме және неліктен?
• Мен болашақта көптеген жарыстарға қатысып, үлкен жаттықтырушы болғым келеді. Барлық жарыстарда бірінші орынды иемденуді армандаймын. Қазақстанның атын шығарғым келеді.
• Жаттығуға жиі барасың ба?
• Иә, аптасына үш рет. Жаттығуды ауырған кезімде ғана босатқаным болмаса, одан басқа уақытта әр дайым барып тұрамын.
• Сайыстарға жиі барасың ба?
• Иә, әрине. Айына 2 рет. Қалада болып тұрады. Басқа қалаларда да болады. Тіпті, шет елдерде де болды. Атап өтсем, Ресей мен Қытай. Мен тек қалада болған сайыстарда ғана болдым. Жуырда Қарағандыда өткен жарысқа сырқаттанып қалуыма байланысты бармауыма тура келді.
• Спорт түрін таңдарда құрдастарың мен сыныптастарыңа қандай кеңес берер едің?
• Ең алдымен әр нәрсені алмас бұрын сен не үшін оны бастайсың? Саған сол керек пе? Сен шын жүрегіңмен соны қалайсың ба? Егер де «ИӘ!» десеңдер, онда қандай спорт түрін таңдамасаң да, сендер де көп ұзамай жетістікке жетесіңдер. Ең бастысы - әр іс өзіңің қалауымен болуы тиіс.
• Каратэда сенің үлгі тұтар адамың кім?
• Жаттықтырушым.
• Сайыста жеңу үшін қандай болу керек?
• Барлығында және менде де «әртеуір бір орын алсам жетеді, жай қалмасам болды», - деген ой болатын. Ал осы соңғы жекпе-жекте «мен мықты, мен, күшті болуым керек», - деген ой мотивация болды. Сол соңғы сәттегі жекпе-жегімде қарсыласым мені құлатып, жеңілуге шақ қалған жағдайда мен өзімді жігерлендіріп «МЕН МІНДЕТТІ ТҮРДЕ ЖЕҢУІМ КЕРЕК. ҚАЛАЙ БОЛСА ДА ЖЕҢЕМІН», - деген ынтамен аяғыма тұрдым.
• Жаттығу қайда және қалай өтеді?
• Біздің мектептің спорт залында. Жасаған жаттығулардың қиыны да, жеңілі де болады. Егер де берген тапсырманы дұрыс немесе мүлде орындай алмаған жағдайда жаттықтырушымыз сол тапсырманы қайта-қайта орындатқызады. 
• Болашақта қандай жоспарың бар?
• Мен алдыңғы жылы 5 медаль аламын деп жоспарладым (жымиып). Қазіргі уақытта 5 медалім бар. (күліп) Келер жылға  10 медаль мен 2 кубок  алуды  жоспарлаудамын.
• Каратэмен айналысу қаншалықты қиын?
• Әркім өзінің шамасына қарай әр түрлі қабылдайды.
• Соңғы жекпе-жегіңді айта кетсең
• Ол жарыс 2-қарашада болды. Алғашқы 2 жекпе-жегім оң, ал   3 маңызды жекпе- жегім қиынға түсті.  Біржағынан қобалжу, ал екінші жағынан қарсыласымда менен  2 разрядқа жоғары көк белбеу болды.
• Қарсыласыңды білдің бе?
• Иә! Білдім. Оларды жиі сайыстарда кездестіремін. Бір-бірімізге құрбыдай болдық.
• Мысалы, сендер жақсы араласып құрбы болдыңдар. Құрбыңмен жекпе-жекке шыққан қалай?
• Мен осындай бір жарыста құрбыммен кілемге шықтым. Ол менің жан құрбым болғандықтан оған жеңісті бердім. Осы арқылы құрбымның жеңістенде маңызды екенін көрсеткім келді.
• Кратэда өз ұрыс тәсілдері бар. Сендердің бір жаттығуларыңда болғанда, мен маягири деген соққы тәсілін естідім. Сол туралы толығырақ айтсаң.
• Иә! Сондай тәсілі бар. Жаттықтырушы үйреткенде. «Сендер соққы жасар алдында есікты көз алдарыңа елестетіңдер де соққы жасаңдар»,- деген. Ол соққыны орындағанда, қарсыластың ішіне қатты тиеді.
• Маягири соққысын өзіңде сезініп көрдің бе?
• Жоқ. Бірақ өзім қолдандым. Тіпті менің басты соққым десемде болады. Әр жарысты осы тәсілсіз өткізбеймін.
• Спорттық тақырыптан ауытқысақ. Болашаққа қойған қандай арман мақсаттарың бар?
• Оқуымды үздік бітіріп. Жоғары оқу орнына қалаған мамандығыма түсу. Жәнеде таңдаған мамандығыммен қателесіп кетпеу.
• Қандай мамандық иесі болғың келеді?
• Білмедім. Ол жағына әлі нақты ойланып тоқталмадым. Бірақ, дизайнер болсам деген ой бар.
• Дизайнер мамандығының ішінде өзі бірнеше сала бар. Соның нақты қайсысын таңдар едің?
• Дизайнер интерьер. Үйдің ішін әсемдегім келеді.
• Осы мамандықты алып жүру үшін сурет сала білі керек. Сен білесің бе?
• Жоқ. Бірақ та, талпынсаң онда барлығын үйренуге болады, барлығы қолыңнан келеді.

Осымен біздің сұхбатымыз өз мәресіне жетті.  Армандарың асқақ болсын, Альмира! Жеңістен жеңіске жете бер!

Жаңалықты мекеменің сайтында қарау

Жаңалықтар тізіміне көшу

Пікірлер