Бастауыш сынып мұғалімі Саурбаева Светлана Сайлаубековнаның шығармашылық есебі

СҚО, Аққайың ауданы, Дайындық ауылы

«Дайындық негізгі мектебі» КММ- нің бастауыш сынып мұғалімі

Туған жылым: 10 қазан 1970 жыл

Білімім: жоғары

Диплом бойыншы мамандығым: педагогика және бастауыш оқыту әдістемесі

Бітірген оқу орным: М. Қозыбаев атындағы Солтүстік Қазақстан мемлекеттік университеті, 2006 ж.

Еңбек өтілім: 27

Біліктілік санатым: 1

Оқушыларды оқытудағы мақсатым- балаларды берілген білімдермен сусындырып, қазіргі жаңа технологиялармен оқушының жас ерекшеліктеріне сай таңдап алып, пәнге деген қызығушылықтарын арттыру. Баланың іргетасы бастауышта қаланады делінген, сол іргетасты мықты әрі берік ету.

Алдыма қойған міндеттерім:

• Мұғалім мен оқушының ынтымақтастығы;  
• Танымдық , шығармашылық қабілетті дамытуда әр түрлі әдіс-тәсілді  тиімді пайдаланып, қызығушылығын арттыру;
• Оқу мен жазу дағдысын дамытуда, өтілген әр ережені ой елегінен өткізіп, тиімді қолдана білуге дағдылау;
• Өткен мен өтпеген оқу материалын шебер байланыстырып, сұрақ қоя отыра проблемалық жағдаят туғызу

Мақсат пен міндеттерді орындаудағы құралдарым:

1. Әдістемелік құралдар:

• Бастауыш сынып пәндері бойынша оқыту әдістемелері,
• Оқу жоспарлары;
• Жиынтық бағалауға арналған әдістемелік ұсыныстар;
• Қалыптастырушы бағалауға арналған тапсырмалар жинағы;
• Мұғалімге арналған нұсқаулықтар (бастауыш сынып пәндері бойынша);
• Орта білім мазмұнын жаңарту шеңберінде қазақ тілінде оқытатын мектептердегі бастауыш пәндері бойынша педагогика кадрларының біліктілігін арттыру курсының білім беру бағдарламасы;
• edu.kz сайты;
• kz сайты.

2. Технология:

      «Адам байлығының ең тамашасы- білім. Барлығы соған ұмтылады, бірақ ол өзі келмейді» деген Әл- Бирунидің жақсы бір ойы бар. XXI ғасыр – білімділер ғасыры болмақ. Ол үшін жаңа бетбұрыс керек. Қазір ұстаз мойнына көп жүк артылып отыр. Елбасымыз Н.Ә.Назарбаев «Қазақстанның болашағы- бүгінгі жастар. Сіздер оларға қандай білім берсеңіздер, Қазақстан сол деңгейде болады»- деген ұран тастап отыр. Сондықтан егеменді елдің ертеңі оқу- білімнің тереңдігімен өлшенеді.

      Қазіргі педагогика теориясына елеулі өзгерістер еніп, білім беру жүйесінде жаңа технологиялар өмірге келуде. Осы педагогикалық технологияларды жете түсініп, оны меңгеру мұғалімнің өзін- өзі дамытып, оқу- тәрбие үрдісін ұйымдастыруға көмектеседі.

Осы 27 жылдық педагогикалық тәжірибемде балаларға саналы білім беру мақсатында бірнеше технология түрлерін оқып , ой елегінен өткізе отыра сабағымда  элементтерін қолданған болатынмын.                                                   

      Соның ішінде  2016 жылдан бастап 7 модуль  технологиясының негізін басшылыққа ала отыра қолданамын .

Бағдарлама жеті модульден тұрады:

1. Оқыту мен оқудағы  жаңа тәсілдер.
2. Сыни тұрғыдан ойлауға үйрету.
3. Оқыту үшін бағалау және оқуды бағалау.
4. Оқыту мен оқуда 

ақпараттық-коммуникациялық технологияларды (АКТ) пайдалану.

5. Талантты және дарынды балаларды оқыту.

6.Оқушылардың жас ерекшеліктеріне сәйкес оқыту  және  оқу.

7.Оқытудағы  басқару және  көшбасшылық.

      7 модуль технологиясы бойынша сабақта  берілген  тақырыпты алдымен жеке, содан кейін жұпта, ұжымда талқылатып жұмыс жасау керек. Бұл жағдайда әрбір оқушы бір сәт өзін мұғалім ретінде сезініп, оқуға деген жауапкершілігі артады. Әр топқа берілген тақырыпты жеке оқып, содан кейін өзге топқа реттік нөмірлер бойынша топталып, өз тақырыптарын түсіндіреді. Бұл есте сақтау, негізге алу, түсіндіруді арттырады, яғни жаңа ақпараттарымен бөліседі. Тақырыпты қаншалықты түсінгендерін флип чартқа түсіру арқылы жеткізеді.

     7 модулді қолдана отырып, өзімнің де көптеген қызықты идеяларымды жүзеге асыру жөнінде белсенділігім арта түсті. Біліктілік пен шеберлігімізді ұштастырып, жас ұрпақты әлемді мойындататын рухани биікке көтеру біздердің міндетіміз. Қазіргі заман мұғалімі заман талабына сай білім беруде жаңалыққа жаны құмар, шығармашылықпен жұмыс істеп, оқу мен тәрбие ісіне еніп, оқытудың жаңа технологиясын шебер меңгергенде ғана білігі мен білімі жоғары, жетекші тұлға ретінде болатыны сөзсіз.

Қорытындылай келе, жеті модульді сапалы қолдана алсақ, оқушыларымыз сыни ойлай алатын, білімге құштар, алған білімдерін талдап, жинақтап, практикада қолдана алатын нағыз көшбасшы тәрбиелейтіндігіміз сөзсіз.

3. Жұмыс түрлері:

• топтық;
• жекелей;
• жұптық;

4. Дидактикалық материалдар: қалыптастырушы бағалауға арналған тапсырмалар, аудио, видео материалдар, слайдтар, суреттер және т.б.

Оқушыларымның жетістіктері:

Менің жетістіктерім:

Соңғы бес жылда оқушылардың білім сапасы төмендегідей:

1. 2013-2014 оқу жылында 3 сыныпта:

Үлгерімі: 100%

Білім сапасы: 80%

2. 2014-2015 оқу жылында 4 сыныпта:

Үлгерімі: 100%

Білім сапасы: 80%

3. 2015-2016 оқу жылында 1 сыныпта:

Үлгерімі: 100%

Білім сапасы: 50%

4. 2016-2017 оқу жылында 2 сыныпта:

Үлгерімі: 100%

Білім сапасы: 66%

     Ұрпақ тәрбиесі ұлттың болашағы. Ендеше сол ұрпақ үшін ұстаз қауымына артылатын жүк оңай емес, сондай қиын істі атқарып жүрген әріптестерім алдағы күнде де құрметке бөлене берсін. Жақсы оқушы, жақсы азамат тәрбиелеу - заман талабы. Бұл міндетті орындауда өз басым бар күш жігерімді аямай еңбек етемін, өзімнің сөзімді  мына жыр жолдарымен аяқтағым келеді:                 

                                             Ұстазға керек үлкен жүректілік,

Ала алмас беделді ешкім тілеп тұрып.

 Шын беделі – ел таңдауы, халық сыйы.

                                              Оны ешкім бере алмайды үлестіріп.

Жаңалықты мекеменің сайтында қарау

Жаңалықтар тізіміне көшу

Пікірлер